續上篇 - 弟弟的女朋友之卷
先說明一下，我家的家境結構。
我最親密的兩位女士 - 母親大人和祖母皇太后。
其實她們跟一般婚後生子的女人無異。是故，亦跟其他女人一樣，喜歡說話.....給別人知道。當然，對象會是她們的親愛的兄弟姊妹和仔女吧！
所以，母親會跟她的姐妹（親生姐妹呢！）說，而祖母會跟她的仔女說。
外祖母包括我媽有七個仔女，祖母包括我爸有五個仔女，而各自，每一個仔女也起碼有兩個小朋友。你可以想像得到嗎？我的家族，母親加上父親的，有超過半百人。
半百人，真的很厲害，明明，當初就只得四個人。
其實我只想說明一點，如果有些事情給我媽和祖母知道，分分鐘有可能接近半百人知道。有實例的，如表妹的男朋友仔，我差不多連他們多少吋腰圍也知道了，但我從來沒有見過他們的喎！是不是很勁呢？
好可怕的傳播能力！
所以，我都幾佩服弟弟。哈！
剛才，祖母跟母親又再談論弟弟的女朋友了，她們好像不太喜歡她，說她機心重喎！唔....我不知道啦！
如果有一天，我帶了男朋友回家，事實上必定會給別人評頭論足的。不過，她們可能會覺得，她們這個脾氣又差，又大洗的孫女/女兒有人肯要已經是萬幸了！！！！
看來要當你男友其中一樣具備的條件是會討伯母及婆婆歡心 =P
ReplyDelete唔係呀~~~~
ReplyDelete我唔會帶男朋友介紹給屋企人認識的
屋企人俾佢地知最基本的東西就夠了
ReplyDelete知得多就開始加意見
身邊朋友識唔夠一年就被阿媽問幾時結婚
「呢個男仔呢，我睇佢呀，眉尖額窄無黎貴格，你都係揀呀第二個好呀！」
「宜家係邊個拍拖呀，媽？」
「哎也，結婚係人生大事嘛！」
「宜家係邊個結婚呀，媽？」
「咁呀媽擔心你先咁講嗟。」
「媽，你結婚時我有無哦你呀？你拍拖時我都無叫你揀過第二個啦，宜家我咪好地地？」
黑人,我真係覺得你超似積大人呀,你超搞笑呀!!!
ReplyDelete係囉,呢個答案都唔錯呀!!